Domo o Initio
Installator de Slint
Pacchetto de Slint
Traductores
Contribution
Instrumentos
ChangeLog - Lista de modificationes
This a previous, archived Slint website.
Le Projecto de internationalisation de Slackware

Installator de Slint permitte te usar tu linguage preferite durante le installation, e adder instrumentos de administration e paginas de manual traducite a Slackware.

Un terminal Braille anque pote esser usate pro installar e postea pilotar le systema. Instructiones pro usar es disponibile in https://slint.fr/docs/README_BRLTTY.

Discarga e verifica le imagine ISO del installator

Imagines ISO de duo grandor es disponibile:

Pro discargar un imagine ISO complete, in prime loco pulsa sur su numero de version, per exemplo 14.1

Tu pote verificar le integritate del imagine ISO per su summa de verifica md5.

  • Pro le parve imagines ISO, discarga e usa su associate file md5 (cuje nomine termina in .md5).

  • Pro le imagine ISO complete, tu pote monstrar le summa de controlo check-sum per pulsar sur le littera i in un circulo nigre al dextera del ligamine al imagine ISO. Pro exemplo per facer un installator polyglotte de un Slackware64-14.1 internationalisate, discarga le imagine ISO (e le file md5, in caso de un parve installator) postea in le mesme directorio typa pro exemplo un del sequente commandos

md5sum -c slint64-14.1.iso.md5 # responsa deberea esser: OK
md5sum slint64-14.1-full.iso # le exito deberea esser le mesme como monstrate in le website

Grava le imagine ISO sur un DVD, un CD o un clave USB

Crea un clave USB bootabile

Warning
  • Omne previe contentos del clave USB essera PERDITE

  • Relege con attention tu commando pro esser secur que tu non habeva scribite le nomine de un partition de disco fixate in loco de lo del clave USB perque le contento de iste partition essera PERDITE IRREPARABILEMENTE

In Linux inserta le clave USB, postea controla su nomine con le sequente commandos:

cat /proc/partitions
dmesg | tail

Si su nomine es /dev/sdc pro exemplo, typa:

dd if=<filename.iso> of=/dev/sdc bs=1M

In Windows usa application Rufus que es gratuite e open source, i.e. de software aperite.

Crea un CD (installator parve) o un DVD (installator grande) que pote facer le boot

In Linux typa un commando como le prime a basso pro un CD, o le secunde pro un DVD.

cat slint64-14.1.iso | cdrecord -v dev=/dev/cdrw speed=10 fs=8m -tao -eject -data -
growisofs -speed=2 -dvd-compat -Z /dev/sr0=slint64-14.1-full.iso

In Windows 2000/XP/Vista/7 usa application InfraRecorder que es gratuite e de software aperite.

In Windows 7/8 usa Windows Disk Image Burner, fornite con Windows 7 e 8

Usa tu installator polyglotte

Solmente inserta le medio de installation (CD,DVD o clave USB) e face de novemente le boot de tu machina.

Sur le schermo de benvenite, tu seligera tu linguage preferite pro le installation per typar le correspondente codice de duo digitos.

Ultra esser polyglotte, le installatores de Slint offere le sequente characteristicas in addition a illos del genuin installatores de Slackware:

  • Font predefinite e mappa de claviero es adaptate al linguage usate per le installation.

  • Quandocunque possibile, un font de typo True Type es usate durante le installation, pro adaptar automaticamente le grandor del font al resolution del schermo (solmente per versiones de Slackware 14.0 e 14.1).

  • Il es fornite un option pro crear contos de usator regular al fin del installation (ante refacer le boot).

  • Optiones es fornite pro fixar como predefinite in le systema installate le linguage e le mappa de claviero usate durante le installation, e facer preferentias de claviero correspondente sub X si le servitor de X es installate.

  • Un pacchetto de Slint es installate, illo forni traductiones del principal instrumentos de Slackware e de lor paginas de manual, listate in Slint package, assi como documentos ponite in /usr/doc/slint-<version>-<date>, includente un Slint-HOWTO.txt e un script reinstall-slackware-packages.sh.

Si tu usa le parve version del installator, durante le installation tu anque necessitara medio de fonte, in altere parolas un medio continente pacchettos de Slackware. Pacchettos pote esser installate ex un DVD/CD de Slackware, un clave USB de Slackware, un directorio pre-montate, un partition de disco fixate, un quota de Samba,NFS (Network File System), un servitor FTP/HTTP. Quando on selige le FONTE in le menu, le installator dice te que facer secundo le typo de medio seligite.

Pro obtener un medio de fonte, seque iste ligamine: Get Slack

Tip Si tu necessita tu pote reimplaciar le medio de installation per un altere continente le pacchettos, perque al momento de installar le pacchettos, le installator ja habera essite cargate in memoria.